Ходоро ТВ саҥа биэриитэ
Ходоро ТВ көрдөрөр иһитиннэрэр
Ходоро ТВ көрдөрөр иһитиннэрэр
Саха Өрөспүүбүлүкэтин бырабыыталыстыбатын 2023сыллаах отчуоттуур мунньаҕа буолан ааста. Нэһилиэк дьоно көхтөөх кыттыыны ылла.
Саха балаҕаныгар саха төрүт тылын уонна сурук бичик декадатын чэрчитинэн сахалыы дьыктаан, дорҕоонноохтук ааҕыы буолан ааста.
Олунньу 10 күнүгэр улууспут күнүн бэлиэтээтилэр. Үөрүүлээх аһыллыытыгар биһиги биир дойдулаахпыт Саха Өрөспүүбүлүкэтин норуотун хаһаайыстыбатын үтүөлээх үлэһитэ, бөдөн бэлиитикэ деятеля, Мэҥэ – Хаҥалас улууһун бастакы аҕа баһылыга, Хаҥалас уонна Мэҥэ – Хаҥалас улуустарын бочуоттаах олохтооҕо, Санкт – Петербург куоракка Саха Өрөспүүбүлүкэтин бастакы бастайааннай бэрэстэбиитэлэ В.В. Скрябин төрөөбүтэ 80 сылыгар анаан “ Үтүө киһи аата үйэлэргэ умнуллубат” диэн ахтан санаан аастылар.
Майа сэлиэнньэтигэр Д.Ф.Ходулов аатынан норуот айымньытын дьиэтигэр «Биллэр ырыалар, биллибэт ааптардара» проект кэнсиэрэ буолан ааста. Биһиги нэһилиэктэн «Мичээрдэр» дьахталлар ансаамбыллара биир дойдулаахпыт М.Т. Данилова — Хатыҥ Ай «Хатыҥнаах алааһым» ырыатынан кыттыыны ыллылар.
Олунньу 7 күнүгэр Бүтүн Россия үрдүнэн уһуйааччы уонна Аҕа сүбэһит сылынан үлэни түмүктүүр уонна Мэҥэ — Хаҥалас үөрэхтээһинин 150 сылыгар аналлаах тэрээһин буолан ааста.
Биһиги нэһилиэккэ Культура уонна спорт эстафетатыгар бэлэмнэнии салҕанар. Истэнээччилэр иистэнэн, үнкүүһүттэр, ырыаһыттар үлэ кэннэ көхтөөхтүк түмсэллэр. Бу нэдиэлэҕэ куораттан биир дойдулаахпыт Раиса Иннокентьевна Сергучева — Винокурова хордары, ырыалары куоласка арааран барда.
Олунньу 2 күнүгэр улуустааҕы культура управлениятын дьиэтигэр Грантовай проектнай үлэҕэ семинар — практикум буолан ааста.