А5а дойдуну көмүскээччилэрин күнүгэр аналлаах «Эр санаа» биэчэр буолан ааста. Түөлбэлэр икки ардыларыгар саха оонньууларыгар күрэх буолла. Уопсайа 4 түөлбэ кыттыыны ылла 1 миэстэни ылла «Айылгы» түөлбэ 2 миэстэни ылла «Саһарҕа» түөлбэ 3 миэстэни ылла «Алгыс» түөлбэ 4 миэстэни ылла «Чараҥ» түөлбэ
Педагогическай үлэ бэтэрээнэ, Ходоро нэһилиэгин бочуоттаах олохтооҕо Клавдия Николаевна Дмитриева 90 сылын бэлиэтиир тэрээһиҥҥэ, саха төрүт тылын күнүгэр анаан күөн – күрэс биллэриллибитэ. Монолог, үгэ күрэҕин түмүгүнэн: Евдокия Исакова кыайыылаах таҕыста. Вера Аргунова бочуоттаах 2 миэстэни ылла. 3 миэстэҕэ тигистэ Дария Еремеева. Мария Ларионова, Розалия Нестерова, Сардаана Нестерова көхтөөх кыттыыны ыллылар.
Педагогическай үлэ бэтэрээнэ, Ходоро нэһилиэгин бочуоттаах олохтооҕо Клавдия Николаевна Дмитриева 90 сылын бэлиэтиир тэрээһин буолан ааста.
Ходоро ТВ көрдөрөр иһитиннэрэр
Саха Өрөспүүбүлүкэтин бырабыыталыстыбатын 2023сыллаах отчуоттуур мунньаҕа буолан ааста. Нэһилиэк дьоно көхтөөх кыттыыны ылла.
Саха балаҕаныгар саха төрүт тылын уонна сурук бичик декадатын чэрчитинэн сахалыы дьыктаан, дорҕоонноохтук ааҕыы буолан ааста.
Олунньу 10 күнүгэр улууспут күнүн бэлиэтээтилэр. Үөрүүлээх аһыллыытыгар биһиги биир дойдулаахпыт Саха Өрөспүүбүлүкэтин норуотун хаһаайыстыбатын үтүөлээх үлэһитэ, бөдөн бэлиитикэ деятеля, Мэҥэ – Хаҥалас улууһун бастакы аҕа баһылыга, Хаҥалас уонна Мэҥэ – Хаҥалас улуустарын бочуоттаах олохтооҕо, Санкт – Петербург куоракка Саха Өрөспүүбүлүкэтин бастакы бастайааннай бэрэстэбиитэлэ В.В. Скрябин төрөөбүтэ 80 сылыгар анаан “ Үтүө киһи аата үйэлэргэ умнуллубат” диэн ахтан санаан аастылар.
Майа сэлиэнньэтигэр Д.Ф.Ходулов аатынан норуот айымньытын дьиэтигэр «Биллэр ырыалар, биллибэт ааптардара» проект кэнсиэрэ буолан ааста. Биһиги нэһилиэктэн «Мичээрдэр» дьахталлар ансаамбыллара биир дойдулаахпыт М.Т. Данилова — Хатыҥ Ай «Хатыҥнаах алааһым» ырыатынан кыттыыны ыллылар.