Ходоро телестудия 2 биэриитэ.

Ходоро нэһилиэгэр Милан Илларионов дириэктэрдээх В.В.Скрябин аатынан орто оскуолаҕа тиһэх чуораан күнэ үрдүк тэрээһиннээхтик ыытылынна. Любовь Илларионова салайааччылаах 11-с кылааһы Анисим Федоров уонна Виктор Барашков бүтэрдилэр. Оскуола бастыҥ уопсастыбанньыктара үөрэхтэрин “4”, “5” сыананан уонна успуорка үрдүк ситиһиилэрдээх түмүктээтилэр.

Сэтинньи ый 28 күнүгэр олоҥхо декадатын чэрчитинэн «Олоҥхо дойдута» КВЕСТ оонньуу уонна викторина буолла. Оскуолабыт орто уонна улахан кылаас үөрэнээчиллэрэ кэлэн көхтөөх кыттыыны ыллылар.

Үөрэх-билии күнүнэн «М.Т. Данилова-Хатын Ай» аатынан култуура киинин үлэһиттэрэ «Собираем детей в школу» аахсыйаҕа кыттыһан, элбэх оҕолоох дьиэ кэргэҥҥэ Степановтарга бэлэх туттардылар.

Бэс ыйын 20 күнүгэр Майа сэлиэнньэтигэр «Ураһалаах» алааһыгар түһүлгэлээн тэриллэн улууспут ыһыаҕа үрдүк таһымҥа ыытыллынна. Бэлиэ ыһыах дьоһун — мааны дьонноох, дириҥ устуоруйалаах нэһилиэктэрин, көмүс тарбахтаах маастардарын, үлэни өрө туппут оҥорон таһаарааччыларын, култуура бэтэрээннэрин, Саха сирин иккис дойду оҥостон олорор араас норуоттар бэрэстэбиитэллэрин сэлэлээн хаамыыларыттан саҕаланна. Улууспут Аҕа баһылыга Дмитрий Иванович Тихонов нэһилиэктэри кэрийэ сылдьан…