Бит – билгэ – киһи айылҕа оҕото буоларын биир туоһута. Кини ис туруга тас тулалыыр эйгэни кытары быстыбат ситимин көрдөрөр. Инникини эрдэттэн билэргэ киэҥник тэнийбит ньымаларын бит, билгэ буолара.

Күн дьыл билгэтэ – Өбүгэлэрбит күнү дьылы билгэлээн, халлаан туругун, от – мас үүнүүтүн, кыыл – көтөр сырыытын эндэппэккэ сылыктаан, үлэлэрин хамнастарын лоп бааччы аттаран, олохторун – дьаһахтарын эрдэттэн тэринэллэрэ.

Дьиэ сүөһүтүнэн, көтөрүнэн, кыылынан билгэлээһин

• Сылгы, ынах сүөһү сайын эрдэттэнтитириги кирэр, сиир буоллаҕына, от үүммэтигэр, куһаҕан сут дьыл кэлэригэр.
• Сылгы, ынах хаар, былыт кэлэригэрсытар мээрик буолар.
• Хотуур ортотуттан ынах, сылгы түүнүн ойуур саҕатыгар хоноро сылаас күһүнү биттэниитэ диэччилэр. Маныаха дьыл кыстык хаара хойут түһэр.
• Дьогдьоот, хаҕыс,  ардахтаах күһүҥҥэ – ынах хордоҕос сиргэ түүнүн сытар-хонор идэлэнэр.
• Саас улдахан уу кэлэригэр ынах төбөтүн өрө тутан туран аҥырдыыр – сытырҕалаар үһү.
• Өҥ дьылга күһүҥҥү сылга сааҕа хара, иһин сааҕа хойуу, сут дьылга хардаҥ,  иһин сааҕа уу убаҕас буолар.
• Куурусса мээнэ курдурҕаан саҥарара – улахан тыал түһэригэр.
• Ыт оту сиирэ ардахха, тыалга.
• Ардахха, хаарга куоска сүүрэкэлиир мээрик буолар.