Саха сирэ хаһыакка таҕыстыбыт

Бүгүн ыам ыйын 16 күнүгэр балаҕаммытыгар Майатааҕы айыы балаҕанын алгысчыта Анна Иннокентьевна Климентова уонна Лидия Ивановна Андреева кэлэн айыы үөрэҕин ыыттылар. Хайдах сөптөөхтүк алгыс, сиэр — туом оҥорорго, арчылааһыҥҥа үөрэттилэр. Тула олорон сэһэргэһии, дорҕоону таһаары, аһаҕас кэпсэтии буолла.

Ыам ыйын 23 күнүгэр сайыны уонна сайылык күнүн көрсө кырдьаҕастарбытыгар кус миинин иһиитэ буолан ааста. 3 биэдирэ тобус толору миин иһэн чэй өрөн, оонньотон, ыллаан — туойан, ытык мааны дьоммут махталлара муҥура суох. Нэһилиэкпит булчут эр дьонугар байанайгыт бэлэҕиттэн күндүлээбиккитигэр барҕа махтал!

Көмүс күһүн бэлэҕэ балаҕан ыйын 25 күнүгэр буолан ааста. «Мин тиэргэним — мин киэргэлим» күрэх түмүгүнэн Тэрээһиммитин бэйэтин ылбаҕай ырыатынан киэргэттэ Маргарита Михайловна Осипова. Нэһилиэкпит дьонун Көмүс күһүҥҥэ үктэммипитинэн өссө төгүл эҕэрдэлиибит! Кыттааччыларбытыгар ситиһиини, үөрүүн, доруобуйаны баҕарабыт. Барҕа махталбытын тиэрдэбит.