Алтынньы ый 28 күнүгэр «Үлэ дьонун өрө тутан» диэн тэрээһин буолан ааста.

ҮЛЭНИ ӨРӨ ТУТАН

Өрөспүүбүлүкэбит Ил Дархана,, Үлэ сылынан,, биллэриллибит чэрчитинэн  алтынньы 27 күнүгэр ,, Үлэни өрө тутан,, диэн Ходоро нэһилиэгэр киэҥ, дириҥ ис хоһоонноох тэрээһин буолан ааста.
Тэрээһин бастакы чааһыгар колхоз, совхоз туруу үлэһиттэрин Анна Николаевна Иванова — ,, Үлэ кыһыл знамя,, Варвара Ильинична Герасимова — ,, Үһүс степеннээх үлэ Албан аат, Елена Афанасьевна Федорова — ,, Бочуот знага,, уордьаннаах Ытык дьоммут үлэтин кэпсээн билиһиннэрдилэр.
Оччотооҕу,, Саһарҕа,, Кэнчээри,,Курченко,, комсомол ыччат  онтон  иитиллэн, үлэҕэ  уһуйуллан тахсыбыт, кэлин бэйэлэрэ туруу үлэһит дьон буолан тахсыбыттарын туһунан кэпсэннэ.
Ыҥырыылаах ыалдьыттарынан буоллулар  ийэлэрин, аҕаларын удьуордаан Үтүө үлэлээх бөһүөлэкпит туруу үлэһиттэрэ.
      Ол курдук, Николай Николаевич Дмитриев оҕолоро Семён Николаевич, Галина Николаевна кэлэн  аҕалара тутууга үлэтин, үлэҕэ бэриниилээх сыһыанын, билигин бииргэ төрөөбүттэр, сиэттэр эһэлэрин курдук ситиһиилээхтик үлэлии — хамныы сылдьалларын кэпсээтилэр.
Дмитрий Ефимов Захаров — Биэссэр Миитэрэй хайдах сэрииттэн кэлэн, идэ ылан, араас сирдэргэ ыарахан усулуобуйаҕа ыарыһахтарга көмөлөспүтүн, кэлин  эмтэммит ыарыһахтар  махтанан ахтыыга, хаһыакка суруйбутарын, эһэтин идэтин удьуордаан сиэн кыыс  медик үөрэҕэр ситиһиилээхтик  үөрэнэ сылдьарын туһунан Людмила Дмитриевна Ушницкая толору хаартыскалаан экраҥҥа бар дьонугар толору сырдата кэпсээтэ.
   Андрей Гаврильевич Михайлов сылгыһыт аҕаларын туһунан кыыһа Марина Федорова уонна сиэн уол Ганя Михайлов билиһиннэрдилэр. Аҕатын курдук оҕо эрдэҕиттэн сылгыны көрөн , Дьөһөгөй оҕотун кытта эриллэ улаатан Андрей Михайлов тоһуттар тымныыны, уот куйааһы аахсыбакка  уһун сындааһыннаах, сылаалаах үлэтин , сыспай сиэллээххэ бэриниилээх буолан кыайа — хото үлэлии сылдьарын кэпсээтилэр Кини быраата Ганя убайын такайыытынан  биллэр жокей буола улааппытын билэбит, көрө -истэ сылдьабыт.
Ыалдьыттар бэйэлэрэ кэлэн көрөөччүлэргэ анаан  умсугутуулаах видеолары, оччотооҕу хаартыскалары көрдөрөн  биһиэхэ  ситэ билбэппитин биллэрэн, көрбөппүтүн көрдөрөн үөртүлэр.
Биһиги бу кэпсээбит дьоммут ийэлэрин, аҕаларын туһунан  ахтыыларыттан, тус бэйэлэрин үлэлэрин кэпсээниттэн элбэҕи долгуйа иһиттибит уонна барыбытыгар  холобур оностуоҕу баҕа санаа кэллэ.
,, Үлэни өрө тутан,, тэрээһининэн эҕэрдэлээн Чүүйэ баһылыга Виктор Егорович Федоров  тыл этэн туран махтал суруктары, бэлиэ сувенирдары туттарда. Кулууп директора Саргылана Иннокентьевна кэлбит ыҥырыылаах ыалдьыттарга махтанан бэлэх туттарда.
  Тэрээһин иккис чааһа — кэнсиэр . Манна Ариан Тарабукин ырыатынан,,, Кыталыкка,, сылдьар талааннаах кыргыттарбыт сахалыы үҥкүүнэн , Алия Дмитриева ылбаҕай ырыатынан, Галина Константинова, Дария Еремеева, Иван Осипов, Галина Бурнашева, Марина Федорова, Дария Петрова, Ариан Тарабукин — дьээбэлээх сценкаларынан кыттан дьон — сэргэ махталын ыллылар.
Кэнсиэри киэргэттэ, бэйэтин көрдөөх кэпсээнинэн, бэйэтин дьээбэ-хообо ырыатын ыллаан сэргэхсиппит мааны ыалдьыппыт  СӨ култууратын  туйгуна Светлана Гоголева.

Бу күн манна мустубут дьон сүргэбит көтөҕүллэн, элбэҕи билэн, туһалааҕы истэн, талааннаах дьоммутун көрөн дуоһуйа сынньанан тарҕастыбыт.

Тапталлаах Чууйэбит
Ахтыллар Үлэһит дьонунан.
Холобур буолар
курдуук
Ходоро хоһуун ыччаттарыгар.

Сиһилии бу