Субуотунньук

Майа сэлиэнньэтигэр Д.Ф.Ходулов аатынан норуот айымньытын дьиэтигэр «Биллэр ырыалар, биллибэт ааптардара» проект кэнсиэрэ буолан ааста. Биһиги нэһилиэктэн «Мичээрдэр» дьахталлар ансаамбыллара биир дойдулаахпыт М.Т. Данилова — Хатыҥ Ай «Хатыҥнаах алааһым» ырыатынан кыттыыны ыллылар.

Олунньу 10 күнэ- Мэҥэ Хаҥалас улууһун төрүттэммит күнэ. Аллараа Бэстээххэ Тимир Пинегин аатынан «Парус» спортивнай комплекска буолан ааста. Ходоро нэһилиэгиттэн биир дойдулаахпыт, педагогическай үлэ бэтэрээнэ, Ходоро нэһилиэгин бочуоттаах олохтооҕо Скрябина Фаина Илларионовна Мэҥэ Хаҥалас улууһун бочуоттаах олохтооҕо үрдүк аатын ылла. Нэһилиэктэринэн быыстапка тэрилиннэ. Кэлбит ыалдьыттары сахалыы сиэринэн арыылаах алаадьынан айах тутан көрүстүбүт.

Ходоро телестудия 13 биэриитин киирэн көрүҥ

Ыам ыйын 25 күнүгэр уһуйааны бүтэрээччилэргэ балаҕаҥҥа алгыс буолла. Оҕолорбут кэлэн алгыс сиэрин — туомун ылынаннар, арчыланан, салама өрөн уонна култуура кииниттэн кыра сэмэй бэлэхтэри тутан үөрэн — көтөн бардылар.