Ыам ыйын 19 күнүгэр аан дойдутааҕы дьиэ кэргэн күнүгэр аналлаах «Оҕо ийэтинээн», «Чэчир» оҕо уһуйаанын улахан бөлөҕө кэлэн кыттыыны ыллылар. Бэйэлэрин билиһиннэрэн, кыратык күрэхтэһэн ылан, үҥкүүлээн үөрэн — көтөн тарҕастылар.
Бүгүн, кулун тутар 4 күнүгэр, биир дойдулаахпыт, Үлэ Албан Аата уордьан толору кавалера, Мэҥэ Хаҥалас оройуонун Бочуоттаах гражданина Андрей Дмитриевич ДМИТРИЕВ төрөөбүтэ 80 сылын туолла.
Алтынньы 31 күнүгэр Хара нэһилиэгигэр «Дьэ эрэ доҕоттор, түмсүбүччэ үөрүөххэ, көргө — нарга көтүөххэ, кулуубка көрсүөххэ» диэн «Көөчөөн көрө» 37 сезонун арыйар улууспут нэһилиэктэрин көрдөөх бөлөхтөрө, талааннаах дьоно сэргэтэ түмсэн киин комонан көрсүһүү буолан ааста.
Тохсунньу 2 күнүгэр үгэс буолбут Баһылык харыйата буолан ааста. Сыл түмүгэр үөрэҕэр, спортка үрдүк ситиһиилээх оҕолору эҕэрдэлээтэ. Оҕолор оонньоон көрүлээн сэргэхсийэн Дед морозтан подарок тутан тарҕастылар.
Ыам ыйын 31 күнүгэр Майа сэлиэнньэтин Ураһалааҕар, улууспут культуура үлэһиттэрин икки ардыларыгар спратакиада буолан ааста. Биһиги нэһилиэк КОМОта (Чүүйэ, Бөкө, Ломтука, Хара уонна Майа Ходулов театра) буолан араас көрүҥнэргэ: Волейбол, буулдьанан ытыы, эстафета, веселые старты, канат тардыһыыта күрэхтэһэн бочуоттаах 2 миэстэни ылары ситистэ.
Бүгүн ыам ыйын 16 күнүгэр балаҕаммытыгар Майатааҕы айыы балаҕанын алгысчыта Анна Иннокентьевна Климентова уонна Лидия Ивановна Андреева кэлэн айыы үөрэҕин ыыттылар. Хайдах сөптөөхтүк алгыс, сиэр — туом оҥорорго, арчылааһыҥҥа үөрэттилэр. Тула олорон сэһэргэһии, дорҕоону таһаары, аһаҕас кэпсэтии буолла.
