Ыраас муус 2023 сыл
Сэтинньи 18 — 19 күннэригэр эр дьон уонна ыччаттар нэһилиэкпит кырдьаҕастарыгар муус ылан тиэйэн киллэрдибит. Уопсайа 35 тэлиэгэни ыллыбыт. Кэлэн көмөлөспүт ыччаттарбытыгар, эр бэртэригэр барҕа махталбытын биллэрэбит.
СЭТИННЬИ 18 КҮНҮГЭР ЧААСТАН 17:00 Д.Ф.Ходулов аатынан КУЛТУУРА КИИНИГЭР _П.Г.Романов-Мыланыыскай төрөөбүтэ 130 сылыгар анаан уонна Саха Өрөспүүбүлүкэтигэр Олоҥхо ыйын чэрчитинэн_ СӨ үтүөлээх артыыһа, драматург, худуоһунньук, норуот маастара, биир дойдулаахпыт *СОФЬЯ СЕРГУЧЕВА-БАРАНОВА* толоруутугар *П.Г.Романов-Мыланыыскай «КЫЫС НЬУРГУСТАЙ КУО»* олоҥхо буолан ааста.Ходоро нэһилиэгин тыа сирин түөлбэтин дьаһалтатын аатыттан, М.Т.Данилова Хатыҥ Ай култуура киинин аатыттан сибэкки ,эҕэрдэ сурук туттардыбыт. Биир дойдулаахпытыгар Софья Иннокентьевнаҕа баҕарабыт кытаанах доруобуйаны,айар үлэҕэр өссө үрдүк ситиһиилэри Айыыһыккыт аргыстастын,иэйиэхсиккит эҥэрдэстин.
Нэһилиэк муҥхата 2023 сыл
Ааспыт нэдиэлэ Алтынньы ый 3 күнүгэр уопсай нэһилиэк муҥхата буолан ааста, ол курдук «Уһун Улаан» уонна «Сатаҕай» күөллэрин тардан эбэлэрбит көмүс хатырыктаахтарынан күндүлээтилэр. Уопсайа 80 киһи сырытта. Сиһилии аллараа хаартыскаҕа көрүн.
Үлэни өрө тутан
Алтынньы ый 28 күнүгэр «Үлэ дьонун өрө тутан» диэн тэрээһин буолан ааста. ҮЛЭНИ ӨРӨ ТУТАН Өрөспүүбүлүкэбит Ил Дархана,, Үлэ сылынан,, биллэриллибит чэрчитинэн алтынньы 27 күнүгэр ,, Үлэни өрө тутан,, диэн Ходоро нэһилиэгэр киэҥ, дириҥ ис хоһоонноох тэрээһин буолан ааста.Тэрээһин бастакы чааһыгар колхоз, совхоз туруу үлэһиттэрин Анна Николаевна Иванова — ,, Үлэ кыһыл знамя,, Варвара Ильинична Герасимова — ,, Үһүс степеннээх үлэ Албан аат, Елена Афанасьевна Федорова — ,, Бочуот знага,, уордьаннаах Ытык дьоммут үлэтин кэпсээн билиһиннэрдилэр.Оччотооҕу,, Саһарҕа,, Кэнчээри,,Курченко,, комсомол ыччат …
Субуотунньук
Алтынньы ый 27 күнүгэр нэһилиэкпитигэр урукку улахан тимир тобохторун ыраастааһына, 3 техника уонна 15 киһи кыттыылаах субуотунньук буолан ааста. Сиһилии аллараа хаартыскаларга көрүн.
Документальнай киинэ
Саха сиригэр үлэ сылын чэрчитинэн «Үлэни өрө тутан» диэн, аҕам саастаах үлэһит дьоммут туһунан документальнай киинэни көрөргүтүгэр ыҥырабыт. Ааптардар: Виктор Федоров, Саргылана Атласова. Оператор,режиссер: Данил Осипов. Монтаж: Денис Петров. Координатор: Саргылана Атласова.
Таммахтар айар кут
Алтынньы 10 күнүгэр Майатааҕы И.М.Сосин аатынан киин библиотекаҕа «Таммахтар» улуустааҕы литературнай түмсүү ааптардарын кинигэтин сүрэхтээһинэ буолла. Биһиги нэһилиэктэн Мария Васильевна Левина «Умнуллубат түгэннэр» диэн кинигэтин сүрэхтээтэ. Бу кинигэтигэр Мария Васильевна бэйэтин олоҕун уонна дьоннорун олохтохторун сырдатар. Инникитин да Мария Васильевнаҕа баҕарыа этибит айар талаанын өссө да арылла сыдьаайа турарыгар.
Мин сааһым — Мин баайым
Бүгүн Алтынньы ый 11 күнүгэр «Мин сааһым — Мин баайым» диэн аҕам саастаах дьоннорбутугар аналлаах тэрээһин буолан ааста. Нэһилиэкпит аҕа баһылыга Федоров Виктор Егорович эҕэрдэтэ. «Чэчир» оҕо уһуйаан салайааччыта Раиса Гаврильевна Атласова уонна түөлбэбит салайааччыларын эҕэрдэлэрэ. Үөрүүлээх чааспытыгар өҥнөөх бэчэриинкэ оҥорон бэрт сэргэх тэрээһин буолла. Нэһилиэкпит олохтооҕо Варвара Яковлева ЛОТОТРОН диэн беспроигрышнай лоторея оонньотто, супер приһы Александра Петровна ылла. Тэрээһиммитигэр араас ооньуулары оонньотон, үҥкүүлэтэн, үөрэн — көтөн, итии сылаас аһынан күндүлээн ытык — мааны дьоммутун махталларын ылыан ыллыбыт.
Субуотунньуктар
Алтынньы ый 3 уонна 4 күннэригэр скотомогильник өрүмүөнэ уонна үлэлээбэт боруобаттары хомуйуу үлэтэ буолан ааста. Алтынньы ый 3 күнүгэр скотомогильник күрүөтүн өрүмүөннээһин олохтоох дьаһалта уонна бэтэринээрнэй пуун үлэһит кытта буолла. Алтынньы ый 4 күнүгэр олохтоох дьаһалта уонна олох — дьаһах үлэһиттэрин кытта аммалыыр трасса кытыытыгар турар үлэлээбэт боруобаттары хомуйуу ыраастааһын үлэтэ буолан ааста. Сиһилии аллараа хаартыскаларга көрүн.
Алтынньытааҕы сүбэ мунньах
Бүгүн Алтынньы ыйы 5 күнүгэр Д.Ф.Ходулов аатынан култуура киинигэр Мэҥэ — Хаҥалас улууһун култуура эйгэтин үлэһиттэрин Алтынньытааҕы сүбэ мунньаҕа буолан ааста. Мунньахпытын Майатааҕы М.К.Попова аатынан оҕо музыкальнай школатын оркестрынан арылынна, салайааччы Василий Егорович Захаров. Мэҥэ — Хаҥалас улууһун баһылыгын социальнай боппуруоска солбуйааччыта Альбина Андреевна Григорьева бэйэтин эҕэрдэтин үлэ хаамыытын билиһиннэрдэ. Мэҥэ — Хаҥалас улууһун культууратын уонна духуобунаһын салайааччыта Анна Руслановна Исакова, тоҕус ыйдаах культуура үлэтин түмүгүн билиһиннэрдэ. Корякин Артем Николаевич информационнай отдел главнай специалиһа саҥалыы инновационнай технологиянан туһанар туһунан кэпсээтэ….