МБУК "Культурный центр им. М.Т. Даниловой-Хатын АЙ"

Бүгүн Ахсынньы 12 күнүгэр «Уруйдан Улуу Олоҥхо Манчаары дойдутугар» диэн олоҥхо декаадатын түмүктээһин тэрээһинэ буолан ааста. Мэҥэ — Хаҥалас улууһун ытык сүбэ бэрэсэдээтэлэ уонна бочуоттаах олохтооҕо Зиновий Иванович Игнатьев кэлэн арчылаан, алгыстаан дьоро киэһэбитин астыбыт. Ону таһынан эрдэ биллэриллибит оҕолорго «Олоҥхо оҕо хараҕынан» диэн уруһуй күрэҕин түмүгэ буолла, кыттыбыт оҕолор кэлэн өбүгэ оонньуутун оонньоон (хабылык, хаамыска, ойбонтон уулааһын) үөрэн — көтөн тарҕастылар. Уонна «Олоҥхо дойдутун алгыстаах алаадьытын кытыйата» диэн акциябытын түмүктээтибит.

Ахсынньы 6 күнүгэр Д.Ф.Ходулов аатынан культуура киинигэр Мэҥэ — Хаҥалас улууһугар Олоҥхо ыйын түмүктүүр дьоро тэрээһин «Аан дойду эпостара олоҥхо дойдутугар» диэн регионнар икки ардыларынааҕы кэмпириэнсийэ уонна бэстибээл буолан ааста. Ол курдук Алтайтан, Башкортостантан, Казахстантан, Кыршызтантан, Хакасияттан ыҥырыылаах ыалдьыттар кэлэн кыттыыны ыллылар. Кэмпириэнсийэ бэрт үрдүк таһымнаахтык ааста.

Ахсынньы 1 күнүгэр олоҥхо декаадатын чэрчитинэн ыытыллар олоҥхо дьыктаана саха балаҕаныгар буолан ааста. Ол курдук уопсайа 12 киһи кыттыыны ыллылар, кыттыбыт дьоҥҥо туоһу суруктар туттарылыннылар.

Сэтинньи 27 күнүгэр саха балаҕаныгар «Уруйдан. Улуу Олоҥхо, Манчаары дойдутугар» олоҥхо дьоро күнэ буолан ааста. Тэрээһиммит бастакы чааһын алгыһынан арыйдыбыт, сиэри — туому ыытта СӨ культуратын туйгуна Галина Константинова. Олоҥхобут декадатын аһыллыытын биир дойдулаахпыт олоҥхоһуппут Григорий Егорович Слободчиков — Тэлээркэ сиэнэ Раиса Васильевна Стручкова, хос сиэнэ Татьяна Ивановна Романова, эһэлэрин туһунан сырдатан ахтан санаан аастылар. Кырачаан олоҥхоһуппут Айгылаан Нестеров «Модун Эр Соҕотох» олоҥхоттон быһа тардан иһитиннэрбитэ дьону кэрэхсэттэ. Дьурулуйар Ньургун Боотур Тэлээркэ олоҥхотуттан быһа тардан Галина Константинова уонна Розалия Нестерова…

Читать далее Читать далее

Үлэ, наставник, тыа хаһаайыстыбатын сылыгар аналлаах «»Өркөн өй» оонньуубут үһүс түһүмэҕин салҕыыбыт. 2022 сыллаахха бастакы түһүмэх алтынньы ыйга комсомол күнүгэр анаммыта ,кыайыылааҕынан Алена,Иннокентий Атласовтар финалга тахсыбыттара. Иккис түһүмэх 2023 сыллаахха муус устар ыйга саха өрөспүүбүлүкэтин күнүгэр буолбута , онно Лидия Нестерова, Иван Осипов, Фаина, Николай Аммосовтар,Ульяна,Афанасий Осиповтар, Елена Захарова, Алена Дмитриева финалга тахсыбыттара. Сэтинньи 24 күнүгэр «Өркөн Өй» үһүс түһүмэҕэ саха балаҕаныгар буолан ааста, уопсайа 4 хамаанда кыттыыны ыллылар, финалга Ирина Аргунова уонна Николай Нестеров, Мария Скрябина уонна Геннадий Скрябин…

Читать далее Читать далее

«Ааһан иһэн, ааҕан аас» биир дойдулаахпыт Григорий Егорович Слободчиков \ Тэлээркэ олоҥхотуттан акция саҕаланна,ааһан иһэн ааҕан ааһын диэн ыҥырабыт                                                                                                          

Сэтинньи 17 кунугэр Байанай ыйыгар аналлаах биэчэр буолан ааста. Кэлбит дьонно алгыс анаабыт Зиновий Ивановичка улахан махтал.

Сэтинньи 7 кунугэр бутун Арассыыйатаа5ы этнографическай диктант буолан ааста, уопсайа 44 киьи кыттыыны ыллыллар, кыттааччыларга туоьу суруктар туттарылыннылар