Тохсунньу 2 күнүгэр В.В.Скрябин аатынан Чүүйэ орто оскуолатыгар үгэс буолбут нэһилиэк аҕа баһылыгын харыйата буолан ааста. Ол курдук сыл түмүгүнэн үчүгэй үөрэхтээх общественник оҕолорго нэһилиэк баһылыга эҕэрдэ суругун уонна сэмэй бэлэхтэрин туттарда. Оҕолор оонньоон — көрүлээн, тымныы оҕонньортон бэлэх ылан үөрэн — көтөн тарҕастылар.
Ахсынньы 31 күнүгэр нэһилиэк саҥа дьыла буолан ааста. Нэһилиэкпит аҕа баһылыга сыл бастыҥнарын эҕэрдэлээн саҥа дьыллааҕы тэрээһиммитин саҕалаатыбыт. Тэрилтэлэринэн представлениялар, биирдиилээн маскараат көрүүтэ буоллулар. Кыайыылаахтар сыаналаах бириистэринэн наҕараадаланнылар.
2023 сыл Ахсынньы 26 күнүгэр саха балаҕаныгар Өркөн Өй түмүктүүр түһүмэҕэ буолбута. Ол курдук уопсайа 3 хамаанда кыттыыны ыллылар. Ирина Аргунова уонна Николай Нестеров, Лидия Нестерова уонна Иван Осипов, Геннадий Скрябин. Кыайыылааҕынан Геннадий Скрябин буолла уонна 6 тыыһынчалаах уу харчынан наҕараадаланна.
Улахан алгысчыппыт Охонооһой ыҥырыытын ылынан Чүүйэм дьонун сэргэтиҥ алгыс ылыныыга ,бүгүн ахсынньы 21 күнүгэр ,күнүс 11 чаастан үтүө санаа алгыһа саха балаҕаныгар буолан ааста.
Ахсынньы 19 — 20 күннэригэр В.В.Скрябин аатынан оскуолаҕа түөлбэнэн күрэхтэһии буолан ааста. Түөлбэлэр 1 күҥҥэ хабылыкка, хаамыскаҕа, дуобакка уонна саахымакка күрэхтэстилэр. Иккис күҥҥэ салгын саатынан ытыыга уонна волейболга күрэхтэстилэр. Уопсай түмүккэ хаачыстыбанан 1 миэстэ Саһарҕа түөлбэ, 2 миэстэ Алгыс түөлбэ, 3 миэстэ Чараҥ түөлбэ, 4 миэстэ Айылгы буоллулар.
✅ Ыаллыылар бэйэ-бэйэлэригэр кэһиилээх, бэлэхтээх ыалдьыттааһыннара — бэртээхэй үгэс. Үтүө холобур батыһыннарыылаах буоллун! СИҺИЛИИ▶️▶️▶️https://sakha-sire.ru/mene-hanalas-chyyjetiger-ytye-ygehi-sergyttyler/
Ахсынньы 14 күнүгэр «Кыһын Саха сириттэн саҕаланар» диэн бүтүн Россия үрдүнэн ыытыллар аахсыйа чэрчитинэн нэһилиэкпит саҥа дьыллааҕы харыйатын уотун уматыыта буолан ааста. Эрдэ биллэриллибитинэн «Мин харыйаҕа бэлэҕим» диэн бэйэ илиитинэн оҥорбут саҥа дьыллааҕы оонньуурдарын оҕолор, нэһилиэк дьоно харыйабытыгар симээтилэр. Ол курдук «остуоруйа алыптаах дойдутугар» диэн представление туруоран оҕолор сүргэлэрэ көтөҕүллэн кыра кэһии ылан үөрэн — көтөн тараҕастылар.
Бүгүн, ахсынньы 13 күнүгэр, Майа сэлиэнньэтигэр Д.Ф. Ходулов аатынан Култуура киинигэр «Тыа сирин култуурата: тускулааһын, торумнааһын, түстээһин» Илин Эҥэрдээҕи култуура үлэһиттэрин бастакы методическай семинара ыытылынна. Семинар Саха АССР култууратын үтүөлээх үлэһитэ, мелодист, режиссер, артыыс, култуура методиһа, кыраайы үөрэтээччи, фольклорист Алексей Леонтьевич Попов төрөөбүтэ 100 сылыгар ананна. Семинарга барыта сэттэ улуустан 247 киһи кыттыыны ылла. Ол курдук Амма, Чурапчы, Таатта, Уус Алдан, Сунтаар, Уус Маайа улуустарыттан дэлэгээссийэлэр кэллилэр.
Ходоро нэһилиэгэр Чүүйэҕэ сэтинньи 30 күнүттэн ,ахсынньы 12 күнүгэр дылы «Уруйдан , Улуу Олоҥхо Манчаары дойдутугар» олоҥхо декаадатын чэрчитинэн түөлбэлэринэн «Олоҥхо дойдутун алгыстаах алаадьытын кытыйата» акция түөлбэ ыалларынан кэһиилээх айан буолла.Бу тэрээһини Чүүйэ кулуубун директора Саргылана Иннокентьевна Атласова түөлбэ салайааччыларын кытта сүбэлэһэн баран оҥоһулунна.Түөлбэлэр кыттыһан мас кытыйа оҥотторон ,ол кытыйабытын аҕалан кулууппутугар кэһиилээн аҕалан туттардыбыт.Ходоро нэһилиэгэр түөрт түөлбэ үлэлии — хамсыы олорор. Бастаан түөлбэ салайааччылара биир ыалтан саҕалаан кытыйаҕа алаадьылаах, ону таһынан кэһиилээх ыалтан ыалга истиҥ сыһыан үөскэтэр ыал ыалга…