МБУК "Культурный центр им. М.Т. Даниловой-Хатын АЙ"

Муус устар 7 күнүгэр булчут күнэ буолла. Булчут күнүгэр анаан нэһилиэк түмсүүлэрэ, «Күбэйэ» дьахталлар сэбиэтэ Брызгалова А.И салайааччылаах, «Эр дьон түмсүүтэ» Атласов И.И салайааччылаах, «Булчут» эр дьон түмсүүтэ Кузьмин Е.Б салайааччылаах, «Дьулуур» ыччат түмсүүтэ Чиряев Д.Ч салайааччылаах спонсордаан бириистэри туруордулар. Биирдиилээн күрэххэ анал бириистэри туруордулар Атласовтар дьиэ кэргэн хос эһээлэрин аатынан, Слободчиков Д.И анал бирииһэ уонна В.И. Яковлева кэргэнин аатынан анал бириис. Булчут күнүгэр аналлаах күрэххэ түөлбэ эр дьоно түөрт хамаанда туруордулар. 1 миэстэ — «Саһарҕа» түөлбэ 2 миэстэ —…

Читать далее Читать далее

Муус устар 7 күнүгэр «Эбэ» күөлгэ кыһыны атаарыы, сааһы көрсүү тэрээһин буолан ааста. Нэһилиэк дьоно көхтөөх кыттыыны ылан бэрт сэргэхтик буолла. Оҕолорго, улахан дьоҥҥо көрдөөх оонньуулар, аралдьыйыылар буолан аастылар. В.В. Скрябин аатынан Чүүйэтээҕи орто оскуола, «Күнчээн» оҕо уһуйаанын тэрилтэлэрэ бэрт кыраһыабай фотозона оҥорон тэрээһин буолар сирин киэргэттилэр. Түөлбэнэн дьахталларга күрэхтэһии буолла. Кыайыылааҕынан «Айылгы» түөлбэ таҕыста.

Муус устар 2 күнүгэр Аллараа Бэстээх «Парус» элбэх хайысхалаах спортивнай дьиэтигэр сылын аайы ыытыллар улуустаа5ы быыстапка, дьаарбаҥка буолла. Дойдубутугар дьиэ кэргэн, Сахабыт сиригэр оҕо саас сылыгар анаммыт «Мэҥэ уус» быыстапкаҕа биһиги нэһилиэктэн Дмитриева Нюргуяна Васильевна уонна Аргунова Ирина Ивановна көхтөөх кыттыыны ыллылар. Кырдьык даҕаны бу дьоммут талааннара, оҥоһуктар, иистэрэ көрөргө кэрэтин. Дмитриева Нюргуяна Васильевна «Сыахайдар» хайысха5а I үрдэл үрдүк аатын сүкпүтүнэн эҕэрдэлиибит.

Өбүгэ саҕаттан этиллэрин курдук Муус устар ый Айыыһыт ыйынан биллэр. Бу ыйга Айыыһыт сиэрин — туомун хас биирдии ыал иҥэринэн, ийэ киһи дьиэтээҕилэригэр Айыыһыт ый туһунан кэпсээн сырдатан ааһыахтаах. Муус устар — Айыыһыт ыйыгар анаан саха балаҕаныгар Айыыһыкка хайыһыы сиэрэ — туома ыытыллыа. Айыыһыт Хотун арчылаатын, араҥаччылаатын. Дом, дом, дом!!!

«Дьөһөгөй оҕото» — Дьөһөгөй Айыы ыйынан былыр — былыргаттан өбүгэ саҕаттан биллэр. Бу ыйга Дьөһөгөй сиргэ чугаһыыр. Дьөһөгөй сахаҕа сылгы уонна уол оҕоҕо таҥарата диэн биллэр. Бүгүн Ходоро нэһилиэгин уолаттарыгар анаан «Дьөһөгөй оҕото» диэн тэрээһин буолан ааста. Сахалыы сиэри — туому Мэҥэ — Хаҥалас улууһун ытык сүбэтин бэрэссэдээтэлэ, сахалыы сиэри туому тарҕатааччы Зиновий Иванович Игнатьев кэлэн алгыс түһэрдэ.

Кулун тутар 25 күнүгэр Арт — салон «Симэх» дьиэтигэр Александра Петровна Иванова айар үлэтин быыстапката аһыллынна. Үөрүүлээх аһыллыыга биир дойдулаахпыт, Ходоро нэһилиэгин, Мэҥэ — Хаҥалас улууһун норуотун маастара айар үлэтэ үрдүктүк сыаналанан Саха Өрөспүүбүлүкэтин норуотун маастарын үрдүк аатын ылан түөскэ анньыллар бэлиэнэн наҕараадаланна. Александра Петровнаҕа баҕарыаҕын чэгиэн — чэбдик доруобуйаны, инникитин да айар талаана арыллан үлэлэрэ үрдүктэн үрдүк сыаналары ыла турдун!

Кулун тутар — дьөһөгй ыйын 19 күнүгэр саха балаҕаныгар кыра ыалдьыттарга дьөһөгөй ыйын билиһиннэрии буолан ааста.