Алтынньы ый 3 күнүгэр Д.Ф.Ходулов аатыынан культуура киинигэр КИИН КОМО кырдьаҕастара кэнсиэр көрдөрдүлэр. Кэнсиэр түмүгүнэн Лауреат үрдүк аатын Галина Константинова «Тойук», Трио «Хомус» буоллулар. Дипломант үрдүк аатын ылла Үҥкүү коллектива «Сизые голубочки» уонна олохтоох автор Мария Кылабысова хоһооннорунан композицията буолла.
Балаҕан ыйын 30 күнүгэр «Көмүс күһүн» тэрээһин буолан ааста. Бу күн нэһилиэкпит далбар хотуттара арааһынай ас астаан сандалыларын киэргэтэн, ону таһынан «Күһүҥҥү нуһараҥ» диэн сэлээппэ конкурсугар кыттан тэрээһин үрдүк таһымҥа ааста. Дьүүллүүр сүбэ отсуоллары көрбүтүн кэннэ атыы эргиэн саҕаланна. Атыы тутуу быыһыгар оонньоон ылан дьон сэргэхсийэн бириис ылан үөрэн көтөн тарҕастылар.
Бүгүн балаҕан ыйын 19 күнүгэр «Үрэх» ыһыахтыыр сиригэр улуустааҕы доруобуйаларынан хааччахтаах дьоммут «Көмүс күһүн» диэн тэрээһин буолан ааста. Тэрээһиммит арыллыытыгар Ходоро нэһилиэгин аҕа баһылыга Федоров Виктор Егорович эҕэрдэтэ, Мэҥэ — Хаҥалас улууһун социальнай харысхалын салайааччыта Шестаков Иван Иванович эҕэрдэтэ, улуустааҕы инбэлииттэр обществоларын салайааччыта Пермякова Тамара Николаевна бэйэлэрин истиҥ эҕэрдэлэрин тиэртилэр. Ол курдук арааһынай конкурстарга (Айылҕа матырыйаалыттан сэлээппэ, Мин тэлгэһэм мин баайым, сандалы остуол) кыттан дьон биһирэбилин ылыан ыллылар. Күн иккис аҥарыгар көрдөөх стартар уонна городки быраҕан ыһыылаах — хаһыылаах күрэхтэһии…
Балаҕан ыйын 15 күнүгэр нэһилиэк уопсай суббуотунньуга буолан ааста. Субуотунньукпут сыала — соруга ыһыахтыыр түһүлгэбит хаппыт маһын ыраастааһын уонна хатыҥ маһы олордуу. Субуотунньукпутун Зиновий Иванович Игнатьев кэлэн алгыс түһэрэн, көрдөһөн саҕалаатыбыт. Кэлэн көхтөөх кыттыыны ылбыт эр дьоммутугар, барҕа махталбытын биллэрэбит.
Бэс ыйын 17 күнүгэр Ходоро нэһилиэгин «Айхаллан тыа сирин үлэһит дьоно» үрүҥ тунах ыһыах буолан ааста. Ыһыахпыт үөрүүлээх аһыллыыта парадтаан, түһүлгэни ыраастаан киирииттэн саҕаланна. Мэҥэ Хаҥалас улууһун ытык сүбэтин бэрэсэдээтэлэ Зиновий Иванович Игнатьев алгыс сиэрин — туомун оҥордо. Кымыс үрдүн охторуутун сиэрин — туомун оҥордо Ходоро нэһлиэгин буочуоттаах олохтооҕо сыана бэтэрээнэ, Маргарита Михайловна Осипова. Ходоро нэһилиэгин аҕа баһылыга бэйэтин эҕэрдэтин уонна наҕараадаларын туттартаата. Араас күрэхтэһиилэр (Сүүрүү, хапсаҕай, мас тардыһыыта) буолан аастылар. Уонна бары долгуйа кэтэһэр «ХОДОРО ХОҺУУНА» буолла. Муҥутуур кыайыылааҕынан…
Ыам ыйын 31 күнүгэр Майа сэлиэнньэтин Ураһалааҕар, улууспут культуура үлэһиттэрин икки ардыларыгар спратакиада буолан ааста. Биһиги нэһилиэк КОМОта (Чүүйэ, Бөкө, Ломтука, Хара уонна Майа Ходулов театра) буолан араас көрүҥнэргэ: Волейбол, буулдьанан ытыы, эстафета, веселые старты, канат тардыһыыта күрэхтэһэн бочуоттаах 2 миэстэни ылары ситистэ.
Ыам ыйын 29 күнүгэр Мэҥэ — Хаҥалас улууһун»Сайыны көрсүү» коллекционердар күрэхтэрэ, Дьабыыл бочуоттаах олохтооҕо Саха Сирин үрүҥ көмүс знак хаһаайката Ефимова Клавдия Ивановна көҕүлээһининэн буолан ааста. Араас нэһилиэктэртэн кэлэн бэйэлэрин выставкаларын туруоран, үөрэн — көтөн кэпсэтэн бардылар. «Ийэм мала» күөн күрэс кыайылааҕынан Хаптаҕайтан Валентина Соломонова, иккис миэстэ Мария Тимофеева, үһүс миэстэ Маргарита Максимова буоллулар. Конкурска кыттыбыттарга туоһу сурук уонна кыра сэмэй бэлэх туттарылынна, выставка кыттааччыларыгар сертификат бэрилиннэ.
Ыам ыйын 26 күнүгэр М.Т.Данилова — Хатыҥ Ай култуура сынньалаҥ киинигэр «Библионочь» диэн тэрээһин буолан ааста. Тэрээһиммитин нэһилиэкпит библиотекаря Мария Васильевна бэйэтин биир идэлээх кыргыттарын эҕэрдэлээн саҕалаата. Ол кэннэ 2 хамаандаҕа арахсан квест оонньууну оонньоттубут. Нумерология эйгэтин Ульяна Ивановна кылгастык кэпсээтэ,гринвей эмтээх чэйдэрин да боруобалаатыбыт уонна түмүгэр хатыҥ сэбирдэҕин хайдах оҥорорго мастер класс Екатерина Николаевна ыытта.