Бит – билгэ – киһи айылҕа оҕото буоларын биир туоһута. Кини ис туруга тас тулалыыр эйгэни кытары быстыбат ситимин көрдөрөр. Инникини эрдэттэн билэргэ киэҥник тэнийбит ньымаларын бит, билгэ буолара.

Күн дьыл билгэтэ – Өбүгэлэрбит күнү дьылы билгэлээн, халлаан туругун, от – мас үүнүүтүн, кыыл – көтөр сырыытын эндэппэккэ сылыктаан, үлэлэрин хамнастарын лоп бааччы аттаран, олохторун – дьаһахтарын эрдэттэн тэринэллэрэ.

Муус устар ый- дойду сахалара бу кэмҥэ түннүктэрин мууһун усталлара. Хотугу сахалара таба төрүүр ыйа дииллэрэ. Муус устар ый алтынньы ыйы батыһар. Муус устар сааскы кэмҥэ түбэһэр. Ый ортотугар ириэрии буолар, ону олунньу уонна кулун тутар ыйдар бэлиэтээһиннэригэр олоҕуран билгэлииллэр. Ириэрии кэнниттэн төннөн кэлэр тымныылары хатааһын дииллэр. Бастакы хатааһан тоҥоттоох буолар. Хаар муус хахтанар, оччоҕо таба, тайах сырыыта харгыстанар, ону туһанан тайахтыыллар. Ый тураах кэлэр уонна хаары сахсатардиэн икки сүрүн тыаллаах. Хаар ирэрин кэтээн уу төһө тохтуон быһаараллар. Ый уонна үргэл алтыһыылара 1 чыыһылаҕа буолар, ол кэннэ алтыһыыны кэтээбэттэр. Бу ыйтан күн дьыл ааҕыыта күнүнэн быһыллар. Саха итэҕэлинэн, муус устарга айыыһыт чугаһыыр. Кинини сааскы дьэргэлгэҥҥэ үктэнэн түһэр дииллэрэ. Сылгы, ынах төрөөн, туҥуй алгыһа ыытыллар, уоһахтаах алаадьы сиэниллэр. Былыргылар этэллэринэндьон көхсүлэрэ ирэр, эйэҕэс майгыланаллар.