Бүгүн атырдьах ыйын 16 күнүгэр «Ходуһа хоһууттара — 2024 » Мэҥэ — Хаҥалас улууһун аһаҕас илиинэн охсуу күүлэйэ Чоочо баай алааһыгар ытык сирбитигэр Эбэбитигэр үрдүк таһымнаахтык буолан ааста. 5 улуустан кэлэн көхтөөх кыттыыны ыллылар. Ходоро нэһилиэгэ элбэх ыалдьыты сарсыардаттан тото — хана аһатан улахан чааннарга үс көрүҥ миин, сана буспут алаадьы буһаран үлэ күөстүү оргуйда. Бары тэрилтэлэрбитигэр В.В.Скрябин аатынан орто оскуола, оскуола саад , «Чэчир» оҕо саадын коллективтарыгар , эдэр ыччатттарбытыгар , быырпах оҥорон бар дьону күндүлээбит Фекла Дмитриеваҕа, Варвара Яковлеваҕа, бурдук аһа астаан ыыппыт түөлбэбит бары олохтоохторугар , култуура чааһыгар кыттыбыт Степан Осиповка, «Мичээрдэр» дьахталлар вокальнай ансаамбылларыгар, торжественнай чааһын ыыппыт Розалия Нестероваҕа тэрийээччилэр ааттарыттан барҕа махтал тылларын тириэрдэбит. Күүлэйгэ ардаҕы аннынан кыттыбыт бары от охсооччуларбытыгар махтанабыт. Баҕарабыт чэгиэн — чэбдик туругу, бары түмсүүлээх буолан Ходоролор дэтиэҕин. Кэлбит дьон сэргэ олус астынан махтанан тарҕаспыттара олус элбэҕи этэр, биһиги нэһилиэк инникилээҕин көрдөрөр. Дьиэ кэргэҥҥитигэр дьолу, өрүү үөрүү эрэ аргыстастын, бары үчүгэйи.
Нэһилиэк дьоно түмсүүлээх буоллаҕына, ол нэһилиэк сарсыҥҥыта сардаҥалаах, инникитэ сырдык кэскиллээҕин бу тэрээһиммит бигэргэттэ. Бука бары биир санаанан иннин диэкки олох устун айаннаан иьиэ5ин!!!
Олохтоох дьаһалта, М.Т.Данилова — Хатын Ай аатынан култуура киинин коллективтара.