Бүгүн балаҕан ыйын 19 күнүгэр «Үрэх» ыһыахтыыр сиригэр улуустааҕы доруобуйаларынан хааччахтаах дьоммут «Көмүс күһүн» диэн тэрээһин буолан ааста. Тэрээһиммит арыллыытыгар Ходоро нэһилиэгин аҕа баһылыга Федоров Виктор Егорович эҕэрдэтэ, Мэҥэ — Хаҥалас улууһун социальнай харысхалын салайааччыта Шестаков Иван Иванович эҕэрдэтэ, улуустааҕы инбэлииттэр обществоларын салайааччыта Пермякова Тамара Николаевна бэйэлэрин истиҥ эҕэрдэлэрин тиэртилэр. Ол курдук арааһынай конкурстарга (Айылҕа матырыйаалыттан сэлээппэ, Мин тэлгэһэм мин баайым, сандалы остуол) кыттан дьон биһирэбилин ылыан ыллылар. Күн иккис аҥарыгар көрдөөх стартар уонна городки быраҕан ыһыылаах — хаһыылаах күрэхтэһии буолан ааста. Күрэхтэһии кэнниттэн кыратык үҥкүүлээн ылан, үөрэн — көтөн тарҕастыбыт.