Саха Өрөспүүбүлүкэтин Суверенитетын, Государственность күнүнэн эҕэрдэлэрин ыыталлар В.В.Скрябин аатынан Чүүйэ орто оскуолатын учууталлара уонна үөрэнээччилэрэ.

*Ытыктабыллаах Айсен Сергеевич!* Мэҥэ Хаҥалас улууһун үлэһит дьоно-сэргэтэ тапталлаах Сахабыт сирин Судаарыстыбаннаһын күнүнэн эҕэрдэлээн туран, киэн туттар национальнай Дьоруойбут Баһылай Манчаары үбүлүөйдээх 225 сылын көрсө, *2029 сылга Манчаары аатынан спартакиаданы* төрөөбүт дойдутугар ыытарга этии киллэрбиппитин өйүүргүтүгэр көрдөһөбүт, *үрдүк таһымҥа тэрийэргэ бэлэммитин биллэрэбит*. _Ытыктабылы кытта, Мэҥэ Хаҥалас улууһун баһылыга Дмитрий Тихонов_ https://t.me/dmitriytikhon0v/2538 #мх2029

Педагогическай үлэ бэтэрээнэ, Ходоро нэһилиэгин бочуоттаах олохтооҕо Клавдия Николаевна Дмитриева 90 сылын бэлиэтиир тэрээһиҥҥэ, саха төрүт тылын күнүгэр анаан күөн – күрэс биллэриллибитэ. Монолог, үгэ күрэҕин түмүгүнэн: Евдокия Исакова кыайыылаах таҕыста. Вера Аргунова бочуоттаах 2 миэстэни ылла. 3 миэстэҕэ тигистэ Дария Еремеева. Мария Ларионова, Розалия Нестерова, Сардаана Нестерова көхтөөх кыттыыны ыллылар.

Балаҕан ыйын 13 күнүгэр Хаҥалас улууһуттан 17 оскуола оҕото, 5 учуутал Светлана Давыдовна Ксенофонтова салайааччылаах этно — просветительская экспедиция — «Саха улуу эр дьоно» диэн проект чэрчитинэн делегация кэлэн Чоочо баай олорбут сирин, олоҕун туһунан билсэн бардылар.