Кулун тутар 16 күнүгэр Майаҕа Ходоро нэһилиэгин уонна Мэҥэ-Хаҥалас улууһун бочуоттаах олохтооҕо 1968-1980 сылларга общественнай тренер, спорт бэтэрээнэ, Мэҥэ-Хаҥалас улууһугар ох саанан ытыы төрүттээччитэ, «Сахада спорт» спорт маастара Гаврильев Василий Тихонович 85 сааһын туолар үбүлүөйүгэр аналлаах Мэҥэ-Хаҥалас улууһа муниципальнай оройуонун аһаҕас хамаанданан турнира буолан ааста. Күрэхтэһиигэ араас улуустартан 28 хамаанда кытынна. Күрэх үөрүүлээх арыллыытын ыытта М.Т. Данилова Хатын-Ай аатынан культура киинэ. Күрэхтэһээччилэргэ алгыс сиэрин- туомун оҥордо түсчүт Зиновий Игнатьев. Эҕэрдэ тылы эттилэр: Ходоро нэһилиэгин тыа сирин түөлбэтин аҕа баһылыга Федоров Виктор Егорович, Саха төрүт оҕунан ытыы Өрүспүүбүлүкэтээҕи Федерация бэрэссэдээтэлэ Виктор Анатольевич Бурцев, оҕунан ытыы кулууб салайаачылара, аймахтара. В.В. Скрябин аатынан Чүүйэтээҕи орто оскуолатын үөрэнээчилэрэ эҕэрдэ нүөмэринэн киэргэттилэр.