Бүгүн Балаҕан ыйын 28 күнүгэр В.В.Скрябин аатынан Чүүйэ орто оскуолатыгар былаах көтөҕүү үөрүүлээх линейката уонна «Дьоһуннааҕы кэпсэтии» кылаас чаастара буоллулар.
Кыттыыны ыллылар биһиги нэһилиэкпит депутата Галина Васильевна Константинова, оҕолорго Саха сирин духуобунай үгэһин сиэри-туому тутуһуу туһунан сырдатта, арчылаан-араҥаччылаан ааста.
Екатерина Павловна Охлопкова нэһилиэк олохтоох бибилитиэкэрэ 4 кылаастарга «Дьоһуннааҕы кэпсэтии» кылаас чааһыгар кыттыһан «Тоҕо кинигэни ааҕабыт?» диэн тиэмэҕэ аһаҕас кэпсэтии ыытта.
Оскуоланы бүтэрээччи оҕолорбутугар «Дьоһуннааҕы кэпсэтии» кылаас чааһыгар Мэҥэ-Хаҥалас улууһун үөрэҕэрии управлениятын исписэлииһэ Милан Михайлович Илларионов «Инники кэскилбит, үөрэх-билии төрдө» диэн тиэмэҕэ ыччаттарбытыгар аһаҕас кэпсэтии ыытта.
