Олунньу 12 күнүгэр, В.В. Скрябин аатынан Чүүйэ орто оскуолатын актовай залыгар Саха Өрөспүүбүлүкэтин Бырабыытылыстыбатын 2024 сыллааҕы үлэтин нэһилиэнньэ иннигэр отчуоттуур мунньах буолла.
Мэҥэ — Хаҥалас улууһа төрүттэммитэ 95 сылынан биир бөдөҥ общественнай, политическай деятельбыт, биир дойдулаахпыт В.В. Скрябин бүүһүгэр сибэкки дьөрбөтүн ууруу буолла. Ил түмэн депутата А.М. Находкин, Мэҥэ- Хаҥалас улууһун депутаттарын сэбиэтин бэрэссэдээтэлэ И.И. Андросов, Ходоро нэһилиэгин аҕа баһылыга В.Е. Федоров эҕэрдэ тыл эттилэр.
Тохсунньу 27 күнүгэр Ленинград блокадатын босхолооһун 80 сылыгыр анаан тахсыбыт «Блокада» документальнай киинэ көрүүтэ буолла. Блокада кыттыылааҕа учуутал, ийэ Картынен Анна Ивановна туһунан.
Тохсунньу 22 күнүгэр сахабыт балаҕаныгар туос ыаҕыйаҕа маастар кылаас ыытылынна.
Тохсунньу 21 күнүгэр Ходоробут нэһилиэгин дьаһалтатын саҥа дьиэтин арыллыыта буолла. Бу үөрүүлээх тэрээһиммитигэр Мэҥэ-Хаҥалас улууһун баһылыга Дмитрий Тихонов, улуус дьокутааттарын сэбиэтин бэрэссэдээтэлэ Иннокентий Андросов, нэһилиэк баһылыктара эҕэрдэлээн бардылар. Аҕа баһылыкпыт нэһилиэк үлэһит дьонугар махталын тиэртэ.
Тохсунньу 7 күнүгэр нэһилиэкпит аҕа саастаах ытыктыыр дьоммутугар ороһооспо бырааһынньыга буолан ааста. Аҕа саастаах дьоммут кэлэн олорон кэпсэтэн сэргэхсийэн, онньоон көрүлээн бардылар.
Тохсунньу 2 күнүгэр үгэс буолбут Баһылык харыйата буолан ааста. Сыл түмүгэр үөрэҕэр, спортка үрдүк ситиһиилээх оҕолору эҕэрдэлээтэ. Оҕолор оонньоон көрүлээн сэргэхсийэн Дед морозтан подарок тутан тарҕастылар.