Ходоро телестудия 14 биэриитэ

«Чудо дерево» үрдүгэ -155м.

Ыам ыйын 22 күнүгэр Сыһыы алааһыгар «Сайылык күнэ» буолан ааста, сиэр туом толорон салама баайдыбыт. Байанайдаах эр дьоммут бултаабыт кустарын мииннээн аҕам саастаах ытык дьоммутун күндүлээтибит. Оонньоон — көрүлээн, байаанынан ырыа ыллаан күөх сайыммытын уруйдуу көрүстүбүт.

Бэс ыйын 21 күнүгэр улууспут Улуу кыайыы 80 сылыгар аналлаах ыһыах буолан ааста. Ходоро нэһилиэгин олохтоох дьаһалта, сынньалан киин үлэһиттэрэ, ону тэҥэ олохтоох дьоммут көхтөөх кыттыыны ыллылар.

Муус устар 12 күнүгэр, Аллараа Бэстээх бөһүөлэгин Култуура киинигэр. СӨ народнай уонна үтүөлээх артыыһа, Россия театральнай деятеллэрин уонна Суруналыыстар сойуустарын чилиэнэ, Мэҥэ-Хаҥалас улууһун уонна Ходоро нэһилиэгин бочуоттаах олохтооҕо Адамова Прасковья Павловна — Күн Чүүйэҕэ аналлаах «Кыайыы кыыһын алгыстаах аартыга» 4-с төгүлүн ыытыллар улуустааҕы аһаҕас уус-уран ааҕыыга күөн-күрэс үрдүк таһымҥа ааста.