Туос тойуга
Олунньу 2-3 күннэригэр Уус — Маайа «Күп» нэһилиэгиттэн «Мэккэ» туос тойугун түмсүүтэ Алена Николаевна Барашкова салайааччылаах туоска маастар кылаас кэлэн ыыттылар. Манна олохтоох доммут мустан туоһу хайдах хомуйарга, ыраастыырга үөрэннилэр. Маастар — кылааска ыаҕыйалар, маллаах иһиттэр, саар ыаҕас тигилиннэ.
Саргылана Атласова «Маллаах иһит» үөрэтээччи маастара Татьяна Михайлова.
Галина Константинова «Маллаах иһит» үөрэтээччи маастара Алена Барашкова
Марина Федоров «Саар ыаҕас» үөрэтээччи маастара Алена Барашкова.
Эдэр кэскиллээх ыччаппыт Гаврил Максимов туоһу олуһун сэҥээрэн ийэтигэр ыаҕыйа тигэн бэлэх уунна.
Маастар кылааска кэлэн көхтөөх кыттыыны ылбыт уонна ыыппыт, үөрэппит дьоммутугар махталбытын тиэрдэбит. Саха төрүт үгэһин сүтэрбэккэ куруутун илдьэ сылдьан көлүөнэттэн — көлүөнэҕэ тиэрдэргэ, нэһилиэкпит дьоно туос оҥоһуктары баһылаан өссө сайда туруоҕун.
