«Ороһооспо умнуллубат кэрэ түгэнэ»

Сэтинньи ый 20 күнүгэр саха сиригэр биллиилээх мелодиһа Валерий Ноев төрөөбүтэ 85 сылыгар аналлаах Д.Ф. Ходулов норуот айымньытын дьиэтигэр кэнсиэр буолан ааста. Биһиги нэһилиэкпититтэн Культура уонна спорт эстафетатын хас да төгүллээх лауреаттара, республиканскай ырыа күрэҕин кыайылаахтара «Мичээрдэр» вокальнай ансамбыл кыттыыны ылан кэллэ.

Сэтинньи 5 күнүгэр «Эн, мин уонна кини» диэн ааттаах оскуола оҕолоругар тэрээһин ыытылынна. Оҕолор бэрт сэргэхтик кыттыыны ыллылар, араас омуктар таҥастарын таннан, норуоттар оонньууларын, культураларын кытта билистилэр.

Ийэ күнүгэр аналлаах “Ийэ минньигэс аһа” күрэх балаһыанньата Сыала – соруга. Нэһилиэк ийэлэрин иллэн кэмнэригэр ас астыылларын киэҥ эйгэҕэ таһааран, ырысыап атыстаһыытын, ыаллыы олорор дьон бэйэ бэйэтин кытта билсэн ыаллаһарын ситиһии. Ирдэбилэ. Кыттааччы ийэлэр олохтоох сынньалан киин сайтыгар https://chuya.ru киирэн “Минньигэстик аһаан” ырысыап страницатыттан ырысыапптары ылан биир бүлүүдэни астыырын көрдөрөн, кэпсээн видеоҕа устан sandaara.2020@mail.ru аадырыска…