Ходоро телестудия 14 биэриитэ

Үөрэх-билии күнүнэн «М.Т. Данилова-Хатын Ай» аатынан култуура киинин үлэһиттэрэ «Собираем детей в школу» аахсыйаҕа кыттыһан, элбэх оҕолоох дьиэ кэргэҥҥэ Степановтарга бэлэх туттардылар.

Тохсунньу 14 күнүгэр, Мэҥэ Хаҥалас улууһун баянистара мустан Аллар-Бэстээхтээри В.В.Местников аатынан култуура киинигэр биэчэр буолан ааста. Биһиги нэһилиэктэн Степан, Иннокентий Осиповтар, Егор Федоров кыттыыны ыллылар

Тохсунньу 21 күнүгэр Ходоробут нэһилиэгин дьаһалтатын саҥа дьиэтин арыллыыта буолла. Бу үөрүүлээх тэрээһиммитигэр Мэҥэ-Хаҥалас улууһун баһылыга Дмитрий Тихонов, улуус дьокутааттарын сэбиэтин бэрэссэдээтэлэ Иннокентий Андросов, нэһилиэк баһылыктара эҕэрдэлээн бардылар. Аҕа баһылыкпыт нэһилиэк үлэһит дьонугар махталын тиэртэ.

Ходоро нэһилиэгэр Милан Илларионов дириэктэрдээх В.В.Скрябин аатынан орто оскуолаҕа тиһэх чуораан күнэ үрдүк тэрээһиннээхтик ыытылынна. Любовь Илларионова салайааччылаах 11-с кылааһы Анисим Федоров уонна Виктор Барашков бүтэрдилэр. Оскуола бастыҥ уопсастыбанньыктара үөрэхтэрин “4”, “5” сыананан уонна успуорка үрдүк ситиһиилэрдээх түмүктээтилэр.